Këngëtari Besart Abduramani pritet të vijë së shpejti me një projekt të ri muzikor, i cili prek një nga temat më të ndjeshme për shoqërinë shqiptare jetën në gurbet.
Sipas burimeve pranë artistit, kënga do të sjellë një rrëfim emocional të mbushur me mall, dhimbje dhe dashuri për familjen dhe vendlindjen. Përmes tekstit dhe realizimit vizual, projekti synon të pasqyrojë përjetimet e mijëra shqiptarëve që jetojnë larg atdheut.
Videoklipi, i cili është në fazën përfundimtare të produksionit, pritet të vijë me një qasje artistike dhe narrative që i jep thellësi mesazhit të këngës, duke e bërë atë lehtësisht të identifikueshme për publikun.
Publikimi i këtij projekti pritet të zgjojë interes të madh dhe të prekë ndjenjat e audiencës, sidomos të atyre që përjetojnë realitetin e emigrimit.
